E ngā kāhu kōrako, e ngā rangatira maruwehi, kia rere rā ngā mihi nunui ki a koutou katoa.

Nau mai ki te pae tukutuku nei kua whakarewaina i runga i te matawara ki te whakatutuki i te taha ki te whakamahere i ngā mahi mō te akomanga, mā te ākonga.

Mā ēnei rauemi e waha ngā taumaha nui ka utaina ki runga i te tangata kaha pukumahi nei, arā i te pouako, e taea ai e ia te aro pū kē ki te whakahaeretanga, ki te whakaangaangatanga hoki i te akomanga.

Mā reira e tika ai te haere o ia rā, otirā mā reira e tutuki ai te whāinga matua te whakatairanga i te tamaiti me te whakaara i ōna pūkenga kia āhei ia ki te whai i tāna e hiahia ai. Nō reira, kāti rā tēnei e mihi nui ana, tēnā koutou katoa.

Our goal is simply, to support teachers by offering a variety of resources that help to reduce daily workloads and give that much-needed breather.

“He tānga manawa hai kimi hā.”